Euse Tag

Mir wünsched eus es fröhlichs und elegants Fäscht. Mit schöne Chleider und viel gueter Luune chönd Ihr's zu dem werde lah.

Dä Tag started mir bidä "Wirtschaft zum Hof" in Bollinge. Vo det us fahred mir mitem Car zum Schloss Rapperswil.

Da mir nur "gladni Gäscht" händ, gönd mir nach dä Trauuig und es paar Föteli ufem Schloss alli zäme uf's Schiff zum Apéro. Gmüetlich fahred mir dänn mitem Schiff uf Bollinge zrugg, wo mir zäme bis id'Morgestunde chönd fiire.

 

Treffpunkt - Wirtschaft zum Hof

Wänn Ihr uf dä Seestrass zwüsched Bollingen und Schmerikon fahred, gsehnd Ihr churz nachem Radarchastä dä Wägwiiser "Werft Helbling". Det büged Ihr ab und fahred richtig Werft über d'Bahngleisüberfüehrig. No es bitzeli nach links fahre und scho stönd Ihr bidä "Wirtschaft zum Hof". Es Schild oder so suecht mer vergäbe. Das finded ebä nur Insider ;-). Mir werded dänn aber sicher scho det sii und eu in Empfang näh.

Bitte sind spötischtens am 09:45 bim Restaurant Hof.
De Car wird abfahre müesse, au wenn nid all drin sind.